Suserl in München und der Himmel weint...

Griaß eich Gott meine Liaben!!!

Hoff ihr habts alle a scheens Wochenende ghabt... die Mütter unter euch an scheenen Muttertag;-))

Am Samstag wars wieder amoi soweit... mei Herzibopperl war bei uns in da Stadt... desmal mit ihrer ganzen Mannschaft auf Betriebsausflug... und mein Mann und ich hamms uns natürlich net nehma lassn ihnen unser geliebtes Minga (München) zu zeigen;-))  Des oanzige was net aso guat mitgspuit hat... eigentlich gar net... wars Wetter... es hat nämlich gschütt wia aus Eimern;-(( ABER mir ham trotzdem a Mordsgaudi ghabt und hoffn ihr kemmts amoi wieder;-))

A paar Buidl hab i für eich... bei dem Sauwetter sans allerdings net vui und a net bsonders... trotzdem vui Spaß beim oschaun...

 ...wia gsagt es war a so a Sauwetter... as Thermometer is auf 10 Grad gfalln... sogar de boarischen Löwen ham ganz grimmig dreigschaut;-))

 

 ...trotzdem sans gaaaaaanz pünktlich okemma... d'Muddi hats abgholt und dann hats erst amoi a leckers Weißwurschtfrühstück geben...

 ...frisch gestärkt hamma uns dann auf den Weg durchs oide München gmacht...

...nach der Aufwärmrunde im Kaffeehaus samma dann am späten Nachmittag ins Bier- und Oktoberfestmuseum ganga...

 ...wo ma vui glernt ham über die Münchner Bierbrautradition und as Oktoberfest...

 ...und draussen hats immer no grengt... und gschütt wia aus Eimern...

 ...des Museum befindet sich im ältesten Bürgerhaus Münchens und hat sogar no a sogenannte "Himmelsleiter"... a Treppn de vom Parterre direkt bis unsters Dach auffigeht... über alle Stockwerk in oam Rutsch durch....

Danach ham mia no a gmiatlichs Abendessen ghabt, bevor ma de ganze Mannschaft wieder zum Zug bracht ham... mia hoffen eich hats soooo guat gfalln wia uns und ihr kemmts  amoi wieder;-))

Ach ja und dann muass i no ganz herzlich Dankschön sagen für a ganz a liabs Packerl des i kriagt hab... mit am Schlüsselanhänger "Hotel Mama" drin... DANKE LIABE BEATE!!!! I hab mi narrisch gfreit;-))

...und mei "Dubaier" Lausdirndl... hat ma gaaaanz leckere Pralinchen gschickt und a Collage vo uns zwoa mit am Gedichterl dazua... da hats natürlich wieder a paar Tränchen gebn... gell Suserl bei dir a... 

DANKESCHÖN LAUSDRINDL... i hab mi sakrisch gfreit... aber jetzad werd gaaaaanz schnell wieder gsund... i woaß no fast zwoa Monat bis dei Fuaß wieder ganz ok is... aber des werd scho;-)) 

SPATZL I HAB DI LIAB!!!!

So des wars scho wieder für heut... bin gspannt wia lang "er" heit wieder braucht und wia oft er mi aussaschmeißt... aber sooo schnell gib i net auf;-))

Machts es guat... passts auf eich auf... a gaaaaaaaaaaaaanz a dicks Busserl schickt eich euer Stadthex URSCHULA;-))